გურჯაანის მუნიციპალიტეტში, სოფელ კარდენახში მომხდარი მკვლელობის შესახებ ახალ დეტალებს ადგილობრივები Ambebi ge-სთან ყვებიან.
მათი ცნობით, ერთ-ერთი ვერსიით, მკვლელობის მიზეზი მანქანით სიჩქარის გადაჭარბება და გადასწრება გახდა, რის შემდეგაც მხარეები ერთმანეთს საქმის გასარჩევად შეხვდნენ. დაპირისპირების დროს კი 36 წლის არსენ მარტაშვილს გულის არეში ესროლეს. ის ადგილზევე გარდაიცვალა.
ადგილობრივები ამბობენ, რომ მოკლული შვილებთან ერთად ავტომობილით გადაადგილდებოდა – რა დროსაც შენიშნა, რომ სხვა მანქანა მის სიახლოვეს სწრაფად მოძრაობდა – ამაზე კი მარტიაშვილმა მძღოლს შენიშვნა მისცა – სწორედ ამას მოჰყვა კონფლიქტი.
“კონფლიქტი სწორედ ამ მიზეზით დაიწყო. მოგვიანებით კი 36 წლის მამაკაცი სახლიდან გაიყვანეს საქმის გარჩევა გაგრძელდა.დაპირისპირების დროს მარტაშვილს ჭრილობა გულის არეში აქვს მოხვედრილი. სავარაუდოდ ის 5 მაისს უკვე გარდაცვლილი იყო და მის ცხედარი 6-ში იპოვეს სოფლის მიმდებარედ. ეს ვერსია გვაქვს სოფელში. სხვა ვერსი ამ ეტაპზე არავინ საუბრობს” – ამბობენ ადგილობრივები.
მარტიაშვილი ამერიკაში ცხოვრობდა და საქართველოში რამდენიმე თვეა დაბრუნდა. მკვლელობა გუშინ მოხდა – მოკლულის ცხედარი სოფლის მიმდებარედ, ვენახში იპოვეს. Ambebi ge წერს, რომ დაღუპულს მეუღლე და ორი შვილი დარჩა.