კახეთში დღეს მოკლული კაცი 36 წლის არსენა მარტაშვილია – ინფორმაციას გამოცემა “მთავარი ამბები კახეთიდან” ავრცელებს და წერს, შემთხვევა სოფელ კარდენახში მოხდა. ადგილობრივების ცნობით, ის საკუთარი საცხოვრებელი სახლიდან ვენახის მიმართულებით წაიყვანეს და ცეცხლსასროლი იარაღით სასიკვდილო ჭრილობა მიაყენეს.
ცნობილია, რომ მოკლული სკოლის მანდატური იყო. ადგილობრივების ცნობით, გარდაცვლილი წლების განმავლობაში ამერიკის შეერთებული შტატებში ცხოვრობდა და სოფელში რამდენიმე თვის წინ დაბრუნდა.
შსს-მ გამოძიება სსკ-ის 108-ე მუხლით დაიწყო, რაც განზრახ მკვლელობას გულისხმობს.