მეუფე იობის პირველი კომენტარი დიპლომის სკანდალზე – ურბნისისა და რუისის ეპისკოპისი “ტვ პირველთან” ადასტურებს რომ მისი განათლების დამადასტურებელი დოკუმენტი მოიპარეს.
უკავშირდება თუ არა ეს პატრიარქობის არჩევნებში მის მონაწილოებას – ეპისკოპოსი კითხვას არ პასუხობს, თუმცა ამბობს, რომ როდესაც საპატრიაქროდან დაურეკეს და დიპლომი მოსთხოვეს, როგორც უკვე კანდიდატს, მივიდა იმ ადგილას, სადაც დიპლომს ინახავდა, მაგრამ არც საერო და არც სასულიერო განათლების დამადასტურებელი დოკუმენტი იქ არ დახვდა.
“მოპარულია დიპლომი, თუმცა დღესდღეობით აღდგენილია უკვე. ნამდვილად მოპარულია, რადგან მე ჩემი თვალით ვნახე, რომ საერო დიპლომიც დაკარგულია და სასულიეროც. დამირეკეს საპატრიარქოდან, მეუფე თეოდორემ მითხრა, რომ აუცილებლად წარმოადგილე სასულიერო დიპლომიო და როცა მე წავედი, სადც ვიცოდი რომ იყო, იქ აღარ იყო”, – ამბობს მეუფე იობი.
ცნობისთვის, გუშინ წმინდა სინოდის წევრმა, მარნეულისა და ჰუჯაბის ეპისკოპოსმა, გიორგი ჯამდელიანმა “ტვ პირველის” ეთერში განაცხადა, რომ პატრიარქობის კანდიდატის, მეუფე იობის დიპლომი გაუჩინარებულია. მან გამოთქვა ეჭვი, რომ მეუფე იობს დიპლომი მოჰპარეს.
უკვე დღეს თბილისის სასულიერო სემინარიაში რუის-ურბნისის ეპისკოპოსის, მეუფე იობის დიპლომთან დაკავშირებით იმსჯელეს. ბაკალავრის აკადემიური ხარისხის მიმნიჭებელმა კომისიამ მიტროპოლიტ იობის განათლება აღიარა და მას შესაბამისი ხარისხი მიანიჭა.