ბიძინა ივანიშვილის რეზიდენციასთან დაგეგმილი აქცია არ გაიმართება. შინაგან საქმეთა სამინისტრომ აქციის მონაწილეებს სოლოლაკში შეკრების უფლება არ მისცა.
დემონსტრაცია დღეს, 19:00 საათზე იყო დაანონსებული. აქციის ორგანიზატორები იმ მშობლების მხარდაჭერას გეგმავდნენ, რომლებიც შვილებისთვის სიცოცხლისთვის აუცილებელი მედიკამენტების უზრუნველყოფას ითხოვენ.
“ორი განცხადება გვაქვს შეტანილი ბიძინა ივანიშვილის რეზიდენციასთან აქციის ჩასატარებლად: ერთი სპონტანური და მეორე არასპონტანური. სპონტანურზე გვითხრეს რომ ერთი დღით ადრე კი არ უნდა დაგეგმოთ, არამედ როგორც კი გაბრაზდებით და გამწარდებით, მაშინვე უნდა გამოვარდეთ აქციის ჩასატარებლადო. არასპონტანურზე გვითხრეს რომ აქ ხალხი ცხოვრობს, მუშაობს გადაადგილდება და ხელი არ შეუშალოთო ამიტომ სხვაგან წადითო. ახლა ვურთავ ადგილის ფოტოს და ერთი გამაგებინეთ ვინ ცხოვრობს, მუშაობს და გადაადგილდება ამ ადგილას ვისი სიმშვიდეც 100 ბავშვის სიცოცხლეს აღემატება?!”, – წერს აქციის ორგანიზატორი ერთ-ერთი მშობელი კახა წიქარიშვილი.
რომ გამოვიდა და “ხალხო, ამ ერთხელღა მენდეთო და კიდევ უნდა შეგაწუხოთო”, რომ თქვა და “მე ავიღებ პასუხისმგებლობასო”, ამიტომ გადავწყვიტეთ, რომ იქნებ მანამდე არ არის მისული ეს ამბავი, იქნებ არ იცის კარგად რა ხდება. უბრალოდ, გვინდოდა მივსულიყავით და ამ ჩვენი თხოვნით, ხვეწნით, სასოწარკვეთილი მშობლების გამოძახილით, გვინდოდა, გაგვეგებინებინა, რა მდგომარეობაში ვართ. ჯანდაცვის მინისტრი არ მოდის მშობლებთან, არ გამოდის არავინ პასუხისმგებელი პირი, რომ დაგველაპარაკოს, – ამბობს მშობელი.
უარის შემდეგ მშობლები გეგმავენ, დღეს საპატროარქოსთან მივიდნენ და მათი შვილების დალოცვა ითხოვონ. ამბობენ, რომ მივლენ ყველგან და ყველა შესაძლო ბერკეტს გამოიყენებენ, რათა მათი შვილებისთვის მნიშვნელოვანი მედიკამენტები მოიპოვონ.
ისინი დღესვე გეგმავენ შევედრას ომბუდსმენთან.