მარნეულის ხიხანის სათემო სახლი „ფეისბუკზე“ პოსტს აქვეყნებს და საზოგადოებას სიფრთხილისკენ მოუწოდებს.
„მარნეული. რომ არ ყოფილიყო ჩემი ჭკვიანი ცუგა ერთი ბავშვის სიცოცხლე საფრთხეში იყო…მოსახლეობის საყურადღებოდ. წელს საშინლადაა გავრცელებული სხვადასხვა სახეობის გველი. ფრთხილად იყავით და მიაქციეთ ყურადღება ბავშვებს. მოვითხოვთ დაიწამლოს ტერიტორიები გველების საწინააღმდეგო წამლით.“
რადიო „მარნეულთან“ საუბრისას ადგილობრივი თვითმმართველობის საზოგადოებასთან ურთიერთობის განყოფილების უფროსმა, დავით ჭიკაძემ განაცხადა, რომ აღნიშნულ მიმართულებას მარნეულის არგანული ნარჩენების გადამამუშავებელი საწარმო კურირებს. მიმართვიანობის საფუძველზე კი რეაგირებას სპეციალური ჯგუფი ახდენს.
აქვე აღსანიშნავია, რომ ბოლო სამ კვირაში მარნეულში ქვეწარმავლის მიერ დაკბენის სამი შემთხვევა დაფიქსირდა.