თბილისის საქალაქო სასამართლომ სამოქალაქო აქტივისტს, ნინო პეტრიაშვილს, რომელიც 13 წლის შვილის დედაა, 2-დღიანი პატიმრობა შეუფარდა. გადაწყვეტილება მოსამართლე კობა ჩაგუნავამ გამოაცხადა.
სამოქალაქო აქტივისტს შსს გზის გადაკეტვას ედავებოდა. შინაგან საქ2მეთა სამინისტრო ამტკიცებდა, რომ შაბათის მარშის ერთ-ერთ დღეს, 7 თებერვალს, ნინო პეტრიაშვილი მარშის დასრულების შემდეგ, არ გადავიდა პარლამენტის წინ ტროტუარზე და 21:00 საათის შემდეგ რამდენიმე წუთის განმავლობაში იდგა გზის სავალ ნაწილზე.
“მე თითქმის ყველა მარშს ვესწრები და როცა არის მოწოდება, გადავდივარ. ეს იყო ერთადერთი დღე, როცა პოლიციის მოწოდება არ ყოფილა, ყოველ შემთხვევაში, არ გაგვიგია და ერთმანეთში ვკითხულობდით კიდეც, სად არიანო. ჩავთვალეთ, რომ მოგვცეს უფლება, ამიტომ ვიდექით იქ იმდენი ხალხი. ამიტომ არის 7 თებერვალზე ამდენი ხალხი გასამართლებული“, – მიმართა მოსამართლეს ნინო პეტრიაშვილმა.