“გული შემიწუხდა, კობახიძეს წითელ ხალიჩაზე გავლის კულტურაც არ აქვს” – ამის შესახებ “მართლმსაჯულების სახლის” დამფუძნებელმა და “ქართული ოცნების” ყოფილმა წევრმა, ეკა ბესელიამ განაცხადა.
- ის ირაკლი კობახიძის ერევანში, ევროპული პოლიტიკური გაერთიანების (EPC) მე-8 სამიტზე დასწრებას გამოეხმაურა.
ეკა ბესელიას თქმით, “ოცნება” ამ პროცესში დაიკარგა” და უნგრეთის პრემიერ-მინისტრის სახით მოკავშირის დაკარგვის შემდეგ, ბიძინა ივანიშვილი ეძებს სად შეიძლება იპოვოს “საყრდენი”, რადგან მარტოა რუსეთის გავლენის ქვეშ დარჩენილი, რომლისაც ეშინია”.
[“ოცნება”] დაიკარგა ამ პროცესში იმიტომ, რომ ხედავს, რომ ამ პოლიტიკურ დღის წესრიგში არა მხოლოდ იზოლაციაა და როდესაც ბრიტანეთთან აფორმებს სომხეთი სტრატეგიულ პარტნიორობას და ამ დროს ბრიტანეთი ასანქცირებს ქართველ ჩინოვნიკებს და პროპაგანდისტულ მედიას, ამ პროცესში, როდესაც უნგრეთის [პრემიერ-მინისტრიც] გამოეცალათ, როგორც მთავარი მოკავშირე და დარჩნენ მარტო საკუთარ სანქციებთან პირისპირ, ეს ნიშნავს, რომ ახლა ეძებს, პირველ რიგში ივანიშვილი, დანარჩენი ყველა ალბათ ასრულებს ამ როლს მეტ-ნაკლებად, ზოგი უნიჭოდ, ზოგი კომიკურად, ზოგი ტრაგიკულად, ეძებს ახლა სად შეიძლება იპოვოს საყრდენი იმიტომ, რომ ხედავს, რომ მარტოა დარჩენილი. მარტოა რუსეთის გავლენის ქვეშ, რომლის მიმართ შიში აქვს და არა დაცულობის განცდა.
ამ თავისივე პოლიტიკით შექმნილ რთულ ვითარებაში, ახლა ეს მცდელობები, რასაც ვხედავთ… გული კი შემიწუხდა, ისე მიდიოდა ამ წითელ ხალიჩაზე გავლის კულტურაც არ აქვს ამ კაცს, კობახიძეს. გინდა რომ შენი ქვეყანა წარმოადგინოს ადამიანმა ისე, როგორც ეკადრება ამ ისტორიის ქვეყანას და რომ უხარიათ ეს ხელის ჩამორთმევის კადრები და უბრალოდ იმასაც ვერ ხვდებიან, რომ გაჩვენებს ეს ევროპული კულტურა და სტანდარტი, რომ ასე უნდა ეპარტნიორებოდე შენს მეზობელ, პარტნიორ, მომავალ მოკავშირე ქვეყანას,” – განაცხადა ეკა ბესელიამ.