აქტივისტ ლევან ჯობავას საქმეზე მოსამართლე გადაწყვეტილებას ოთხშაბათს გამოაცხადებს. სამოქალაქო აქტივისტს კედელზე გაკეთებული სოციალური შინაარსის წარწერის გამო ედავებიან.
საქმე ეხება ფრაზას — „ხალხს შია“, რომელიც ჯობავამ კედელზე დაწერა. როგორც ირკვევა, ეს უკვე მეორე შემთხვევაა, რის გამოც მას შესაძლოა არა მხოლოდ ჯარიმა, არამედ პატიმრობაც დაეკისროს.
ის, რომ დღეს სასამართლო სხდომა იყო ჩანიშნული, ჯობავამ შემთხვევით, მეგობრისგან შეიტყო. აქტივისტმა დღევანდელი სხდომის გადადება ითხოვა, რათა საქმეს გაცნობოდა, რაც მოსამართლემ დააკმაყოფილა.
“სასამართლოს შესახებ არ მიმიღია არც ზარი, არც შეტყობინება არც უწყება, უბრალოდ, ჩემმა მეგობარმა, რომელიც ქტიურად ამოწმებს ხოლმე სასამართლოების განრიგებს, აღმოაჩინა, რომ მქონდა პროცესი, მომწერა, “რისი პროცესი გაქვსო”. მეც არ ვიცოდი. გავიგეთ ეს კვირას და ორშაბათ იყოს 11-ზე ჩანიშნული. მერე აღმოჩნდა, რომ 2026 წლის 3 თებერვლის საქმეზეა პროცესი. ამ ამბავზე, ერთხელ უკვე, კედელზე გაკეთებული წარწერის გამო “მაღალი ფასები – დაბალი ხელფასები”, “ხალხს შია”, საპატრულოდ ვყავდი დაჯარიმებული. პირველი ჯარიმის ქვითარი არასწორად ჰქონდათ შევსებული, გააუქმეს და მერე ჩამაბარეს ახალი ჯარიმის ქვითარი, ოღონდ აღმოჩნდა, რომ მერე ეგ ქვითარიც გაუქმდა, ოღონდ ამის შესახებ მე არ ვყავი ინფორმირებული და ახლა სასამართლოში გავიგე, რომ სასამართლოში აპირებს რომ მედავოს საპატრლო პოლიციის დეპარტამენტი ამ თემასთან. ვთხოვეთ გადადება, მოსამართლემ გაითვალისწინა ეს და ზეგ 12 საათზე იქნება სამიქს განხილვა” – ამბობს ჯობავა.
ლევან ჯობავას საქმის განხილვა 6 მაისს, 12 საათზე დაიწყება და არ არის გამორიცხული, მოსამართლემ გადაწყვეტილება სწორედ ამ დღესვე გამოაცხადოს.