ირანში ქალაქ ბენდერ-აბასში ადგილობრივმა მოსახლეობამ ცეცხლის წაკიდება სცადა იმ საავადმყოფისთვის, სადაც კორონავირუსით დაინფიცირებული ადამიანები გადაიყვანეს.
ამის შესახებ ინფორმაცია და შესაბამისი ვიდეო ტელეარხ Iran International-ის Twitter-ის გვერდზე გავრცელდა.
კადრებზე ჩანს, როგორ იწვის საავადმყოფოს ერთ-ერთი ნაწილი. საავადმყოფოსთან ადგილობრივები შეიკრიბნენ, რომლებიც კორონავირუსით დაინფიცირებული პირების გადაყვანას აპროტესტებდნენ.
Iran International-ის ინფორმაციით, ადგილობრივების უკმაყოფილება იმ ფაქტით იყო გამოწვეული, რომ ქალაქ ყუმიდან ათი ინფიცირებული პირი იყო გადაყვანილი.
თუმცა სამედიცინო უნივერსიტეტის წარმომადგენელმა განაცხადა, რომ ეს ინფორმაცია სიმართლეს არ შეესაბამება.