“წვიმასა და ქარში გავათენეთ ღამე, მაგრამ არ დავნებდებით” – მშობლები შვილებისთვის წამალს ითხოვენ

ქუჩაში და წვიმაში  გათენებული კიდევ ერთი ღამე კანცელარიასთან.  დიუშენის კუნთოვანი დისტროფიის მქონე მოზარდების მშობლებს გუშინ წვიმაში, ღია ცის ქვეშ მოუწიათ პროტესტის გამოხატვა – მათ ადგილზე კარვებს ამ დრომდე არ ატანინებენ.

მშობლები უკვე მეორე კვირაა უწყვეტად დგანან ქუჩაში და საკუთარი შვილების სიცოცხლის გასახანგრძლივებლად მედიკამენტს ითხოვენ.

ისინი ითხოვენ ირაკლი კობახიძესთან შეხვედრას, თუმცა ივანიშვილის პარტიის ლიდერი მათთან ამ დრომდე არ გამოჩენილა.

ვიდრე ჩვენი მოთხოვნები არ შესრულება, პროტესტი გაგრძელდება – ამბობენ მშობლები.

“ჩვენ ვართ ბათუმიდან ჩამოსულები ჩვენი შვილების გამო და ვითხოვთ წამალს. ეს წამალი არის ჩვენი შვილების ერთადერთი გადამრჩენი და იმედის სხივი. ჩვენ უკვე მე-12 ღამეა აქ ღამეს ვათევთ და ვიბრძლებთ ბოლომდე. რთულია – ქარი, წვიმა, სიცივეა, მაგრამ ამ ყველაფერს ვუძლებთ და ვიბრძვით ჩვენი შვილების აგდასარჩენად”, – ამბობს მშობელი.