ლევან ხაბეიშვილი საწვავზე დაწესებულ ფასებს ყაჩაღობას უწოდებს – დღევანდელ სასამართლო პროცესზე დაკავებულმა ოპოზიციონერმა ლიდერმა ფხაკაძეების ბიზნესი გააკრიტიკა და თქვა, 2,10 ლარად აღებულ ბენზის “კალონკებზე” დიდი მოგებით ყიდიან.
მან ასევე ისაუბრა ფასების კომისიის წევრ ნინო წილოსანზე და თქვა, რომ დეპუტატის მამა “მძევალი” რადგან “ქართული ოცნების” პროკურატურა მას 58 ათასის მოპარავას ედავებოდა.
როცა მამამისი მძევალია, შეიძლება ბევრი რამ გააკეთებინონ – თქვა ხაბეიშვილმა.
“მე გუშინ ვუყურე სხდომას, სადაც ლაპარაკობდნენ საწვავზე ეს აბსოლუტური ყაჩაღი და ქურდები – ფხაკაძეებს ვგულისხმობ, ყაჩაღები არიან, გაგრძელებული ჩხარტიშვილით, ენუქიძით, აი ეს ხალხი, ვინც სისხლს წოვს ქართველ ხალს. ლაპარაკობდნენ, რომ თურმე იაფად ყიდიან საწვავს. საწვავი დავთვალე და ერთი ლიტრი ფოთამდე მოდის 2 ლარად და 10 თეთრად, აი ახლა გაძირებულს რომ ეძახიან, იმ პირობებში და კალონკებზე გვხდება 3,60-4 ლარი. ეს ლარნახევარი, ორი ლარი სად იკარგება გზაში. ახლა ხომ 2,10 ლარი ღირს, ზუსტად 2-3 თვის წინ ლარნახვარი ღირდა ფოთამდე, მაგრამ ყიდდნენ 2 ლარად და 60 თეთრად. აქ არის აბსოლუტურად ქურდული წილი, აბსოლუტურად ყაჩაღი ფხაკაძის და ასეთი ოლიგარქების. და ფასების კომისია, რომელიც დამთავრდა დღეს – წილოსანი, რომელიც ამ კომისიაში ზის, მისი ანაზღაურება პარლამენტში არის 20 000 ლარი. ახლა 20 000 რომ ჩაგირიცხოთ თქვენ, ისე გაღიმებული მოყვებით, რომ კარგი ფასებია ქვეყანაში და 58 ათასის მოპარავას ედავებოდნენ მამამის, წილოსანის მამას. “ოცნების” პროკურატურა ედავებოდა ხალხო და ეს ქალი ზის დღეს პარლამენტში და ნებისმიერ რამეს მიაჭერს – მამაჩემი რომ აიყვანონ მძევლად და მითხრან, რომ აი ეს გააკეთე, როცა მამამისი მძევალია, შეიძლება ბევრი რამე გააკეთებინონ”. – განაცხადა ლევან ხაბეიშვილმა.