უკრაინაში დაღუპული ქართველი მებრძოლი დავით ღოღაძე თელავში, საგვარეულო სასაფლაოზე, სამხედრო წესით დაკრძალეს.
ღოღაძე და კიდევ ერთი მებრძოლი ზუგდიდიდან, ბაჩო ბებია, სამშობლოში 26 აპრილს ჩამოასვენეს.
დაღუპულების ცხედრებს თბილისის საერთაშორისო აეროპორტში ახლობლები, მეგობრები და რიგითი მოქალაქეები დახვდნენ.
ღოღაძის დაკრძალვას თანამებრძოლებსა და ადგილობრივებთან ერთად, საქართველოში უკრაინის საკონსულოს წარმომადგენელი ესწრებოდა, რომელიც თელავში საგანგებოდ ჩავიდა.
დავით ღოღაძე 2024 წლის 7 მაისს უკრაინაში მიმდინარე საბრძოლო მოქმედებების დროს დაიღუპა. ის ქართული საბრძოლო ქვედანაყოფის „შავი არწივის“ წევრი იყო.
ღოღაძის ცხედრის საქართველოში ჩამოსვენება მხოლოდ ორი წლის შემდეგ მოხერხდა.