“ვისოლ პეტროლეუმ ჯორჯიას” გენერალურმა დირექტორმა, ვასილ ხორავამ განაცხადა, რომ საქართველოში ერთ ლიტრ საწვავზე აქციზის გადასახადი არის 37 თეთრი.
ამის შესახებ ვასილ ხორავამ პარლამენტში, ფასების კომისიის სხდომაზე განაცხადა.
მისი თქმით, ნავთობზე ფასის წარმოქმნაში მონაწილეობას რებს გაცვლითი კურსი და საერთაშორისო პლაცის ნიშნული – “ბოლო პერიოდში მიმდინარე სიტუაციიდან გამომდინარე იმდენად მაღალია ცვლაებადობა ფასის, რომ შეჯერებას ვაკეთებთ თვის საშუალო პლაცის”.
“ჰორმუზის პრობლემამ გამოიწვია გარკვეული შეფერხებები მიწოდების ჯაჭვში და შესაბამისად ამის ასახვა მოხდა საერთაშორისო ფასებზე. თუ ავიღებთ ციფრებში გამოხატულ უკვე ნედლი ნავთობის გაძვირება დაახლოებით 60%-მდე მოხდა, ბენზინის ნიშნულის გაზრდა – 54%-ით მოხდა, ყველაფერმა ამან გამოიწვია, ბუნებრივია, ცვლილება შიდა ბაზარზე ფასების თვალსაზრისით.
მოგეხსენებათ, რომ საქართველო არის ნავთობპროდუქტების იმპორტიორი ქვეყანა, 100%-ით ხდება საქართველოში ნავთობროდუქტების იმპორტი და ორი კონტრაგენტი, რომელიც ფასის წარმოქმნაში იღებს მონაწილეობას, ეს არის გაცვლითი კურსი და საერთაშორისო პლაცის ნიშნული. ბოლო პერიოდში მიმდინარე სიტუაციიდან გამომდინარე იმდენად მაღალია ცვლაებადობა ფასის, რომ ალბათ ჩვენი კომპანიის გადმოსახედიდანაც უფრო შეჯერებას ვაკეთებთ უფრო თვის საშუალო პლაცის, რომელიც უფრო შეწონილ ფასს წარმოადგენს ბაზარზე. თუმცა მანამდე პერიოდში, სანამ ასეთი ტურბულენცია დაიწყებოდა ფასთან დაკავშირებით, ჩვენ გვქონდა, 5-10 დღის საშუალო შეწონილი ფასით ხდებოდა ფასის ფორმულირება.
ფასის დაფიქსირება ხდება საზღვრამდე და საზღვარზე, როცა უკვე საქართველოს კანონმდებლობით ხდება პროდუქტის განბაჟება მას ემატება ის გადასახადები – ბენზინის შემთხვევაში ცვენ გვაქვს 500-ლარიანი აქციზი, დიზელის შემთხვევაში 400-ლარიანი აქციზი. 500 ლარიანი აქციზი ნიშნავს ერთ ტონაზე დამატებას, რომელიც ლიტრებში ამ შემთხვევაში შეიძლება ითქვას 37 თეთრის დამატებას. ამატება პლუს დამატებით ღირებულების გადასახადი – ეს არის 18%,” – განაცხადა ვასილ ხორავამ.