მერაბ ჯანგველაძე, „კანონიერი ქურდი“, რომელიც ცნობილია როგორც მერაბ სუხუმსკი, რუსეთის შინაგან საქმეთა სამინისტროს გამომძიებლების მოთხოვნით მთელ მსოფლიოში იძებნება. მას ბრალად ედება კრიმინალურ ორგანიზაციაში წამყვანი თანამდებობის დაკავება. სამართალდამცავი ორგანოების წარმომადგენლების ცნობით, გამომძიებლები გეგმავენ მოსკოვის ტვერსკოის სასამართლოში ჯანგველაძის დაუსწრებლად დაპატიმრების შუამდგომლობის შეტანას.
„ჯანგველაძე საერთაშორისო ძებნის სიაში მოხვდება კრიმინალურ იერარქიაში მაღალი თანამდებობის დაკავების ბრალდებით (რუსეთის სისხლის სამართლის კოდექსის 210.1 მუხლი). გამომძიებლები მოითხოვენ მისი დაუსწრებლად დაპატიმრების ბრძანების გაცემას“, – ციტირებს ტასი სამართალდამცავი ორგანოებიდან წყაროს.
სააგენტოს წყაროს ცნობით, ჯანგველაძის დაუსწრებლად წინასწარი პატიმრობის დადგენის სასამართლო სხდომა 30 აპრილს გაიმართება. ცნობილია, რომ კრიმინალური ავტორიტეტი ბოლო დროს იტალიაში ცხოვრობდა. მერაბ ჯანგველაძე პოსტსაბჭოთა სივრცეში ერთ-ერთი ყველაზე გავლენიანი და პატივცემული კრიმინალური ავტორიტეტია (იაპონჩიკთან და დედ ჰასანთან ერთად). ის 1961 წელს სოხუმში დაიბადა და პირველი ნასამართლობა 19 წლისამ, ძარცვისთვის მიიღო.
სუხუმსკი 1985 წელს „კანონიერ ქურდად“ აკურთხეს, სტატუსი, რომელიც, გამომძიებლების თქმით, მას რუსეთში კრიმინალური დაჯგუფებების საქმიანობის კოორდინაციის საშუალებას აძლევდა.გასული წლის მარტში, მერაბ სუხუმსკის ძმა, 60 წლის ლევან ჯანგველაძე თბილისში მოკლეს. მას ცხრა ტყვია ესროლეს.