ჩვენგან მუდმივად ითხოვენ რომელიმე მხარეს დადგომას, ეკლესია მხარე ვერასდროს იქნება, – ამის შესახებ ვანისა და ბაღდათის მიტროპოლიტმა, ანტონ ბულუხიამ გადაცემა “რეაქციაში“ განაცხადა.
სასულიერო პირის თქმით, პატრიარქმა, მომავალმა და ახალმა, უნდა გაითვალისწინოს, რომ არ გახდეს მიწიერი საზოგადოება.
არც ჩვენ უნდა შეგვეშალოს და არც საზოგადოებას. ჩვენგან მუდმივად ითხოვენ რომელიმე მხარეს დადგომას, ეკლესია მხარე ვერასდროს იქნება. ხალხი ხშირად ითხოვს, ეკლესია გახდეს მიწიერი საზოგადოება, ამიტომ ნაწყენი რჩება. პატრიარქმა, მომავალმა და ახალმა უნდა გაითვალისწინოს, რომ არ გახდეს მიწიერი საზოგადოება. ის უნდა იდგეს შუაში და მოუწოდებდეს, ჩვენი დანიშნულება არის ადამიანების მიყვანა ცათა სასუფეველამდე. რევოლუციონერი რომ ხარ, იმისთვის რაცაა უნდა მიიღო, შენ რევოლუციონერობა გინდა, მერე დაგიჭირონ, მე გამოგიყვანო, ისევ რევოლუციაში შევარდე, ისევ დაგიჭირონ, თუ გინდა რევოლუციონერობა, უნდა იყო რევოლუციონერი,ასე იყო ფიდელ კასტრო, შეწირა თავისი ენერგია. რა თქმა უნდა, ეკლესიაც დაუდგება, გაამაგრებს სულიერად, მისცემს ბიძგს, მაგრამ არა ის, რომ მიწიერი საშუალებები მისცეს, – თქვა სასულიერო პირმა.
მეუფე ანტონის თქმით, უდანაშაულობას და დანაშულებებს ადგენს არა ეკლესია, არამედ სასამართლო.
“ჩვენ უკვე გვრევთ მიწიერ საზოგადოებად, როცა მაგას ითხოვთ ჩვენგან,- თქვა მან.