ყოფილი გენერალური პროკურორის, ოთარ ფარცხალაძის სახელი კიდევ ერთხელ გაჩნდა ერთ-ერთ გახმაურებულ საქმეში.
11 წლის წინ, თბილისის ცენტრში მოკლული გიორგი კვარაცხელიას ოჯახი აცხადებს, რომ საქმე წლების განმავლობაში არ იძიებოდა და გამოძიება შეჩერებული იყო. მათი თქმით, პროცესის აქტიურობა მხოლოდ ბოლო თვეებში განახლდა.
დაზარალებული ოჯახის ადვოკატი, გიორგი ბარდაველიძე, აცხადებს, რომ საგამოძიებო მოქმედებები გააქტიურდა მას შემდეგ, რაც პროკურატურაში გავლენები შეიცვალა.
მისივე ინფორმაციით, საქმის საწყის ეტაპზე არსებობდა სამეთვალყურეო კამერების ჩანაწერები, მოწმეების ჩვენებები და სხვა მტკიცებულებები, თუმცა ბრალდება დღემდე არავის წარდგენია.
ოჯახი ვარაუდობს, რომ საქმე შესაძლოა წლების განმავლობაში არ გაგრძელებულიყო.
პროკურატურამ რამდენიმე დღის წინ დაინტერესდა იმ ავტომობილის მფლობელით, საიდანაც, გავრცელებული ინფორმაციით, გასროლა განხორციელდა. სასამართლოს განჩინების საფუძველზე ჩხრეკა ჩატარდა დავით დეკანოსიძის საცხოვრებელ სახლში, თუმცა ის ადგილზე არ აღმოჩნდა.
გავრცელებული ინფორმაციით, მას ქვეყნის დატოვება ოფიციალურად აკრძალული ჰქონდა, თუმცა სავარაუდოდ, მან საქართველოს ტერიტორია დატოვა.