სრულიად რუსეთის პატრიარქმა კირილმა იმედი გამოთქვა, რომ “საქართველოს მომავალი პატრიარქი უკრაინაზე პოზიციას არ შეიცვლის”. განცხადება მან 22 აპრილს გააკეთა.
“ბულგარეთისა და ალბანეთის ეკლესიებმა, სადაც ახალი წინამძღვრები ახლახან აირჩიეს, უკრაინის საკითხთან დაკავშირებით თავიანთი შეხედულებები არ შეცვალეს. ვიმედოვნებთ, რომ იგივე მოხდება საქართველოს მართლმადიდებლურ ეკლესიაშიც, რომელსაც ახლო მომავალში მოუწევს ახალი წინამძღვრის არჩევა მას შემდეგ, რაც მიმდინარე წლის მარტში გარდაიცვალა უწმინდესი და უნეტარესი კათალიკოს-პატრიარქი ილია II” – განაცხადა კირილმა, 22 აპრილს.
ცნობისთვის, დღეს საქართველოს საპატრირქოში, წმინდა სინოდის სხდომის დაწყებამდე რუსეთის პატრიარქის ამ განცხადების შესახებ ჰკითხეს, დმანისისა და აგარაკ-ტაშირის ეპისკოპოსს.
“რა თქმა უნდა, მათ [რუსეთს] თავისი ხედვები აქვთ საქართველოსთან მიმართებით. ჩემი პასუხი ასეთია, მოსკოვის საპატრიარქო როდესაც წერილს გამოაგზავნის იქ ჩაწეროს – სრულიად საქართველოს კათოლიკოს-პატრიარქი, მცხეთა-თბილისის მთავარ ეპისკოპოსი და ბიჭვინთისა და ცხუმ-აფხაზეთის მიტროპოლიტი. აი, ეს წესი დაიცვან და შემდეგ შეიძლება მათთან საუბარი“, — ამბობს აგარაკ-ტაშირის ეპისკოპოსი ზენონი (იარაჯული).