სინოდის სხდომას არ ესწრება ერთი მღვდელმთავარი, წილკნელი მიტროპოლიტი ზოსიმე შიოშვილი. „ფორმულას“ ინფორმაციას სააპატრიარქოს საზოგადოებასთან ურთიერთობის სამსახურში უდასტურებენ. მიზეზად ეპისკოპოსის ჯანმრთელობის მდგომარეობა დასახელდა.
სინოდი 39 ხმის უფლების მქონე წევრისგან შედგება. სხდომას 38 წევრი ესწრება.
საპატრიარქოში სინოდის სხდომა დაიწყო. დღევანდელ სხდომაზე მღვდელმთავრები ფარული კენჭისყრით პატრიარქობის სამ კანდიდატს გამოარჩევენ. შესაძლოა, დასახელდეს რამდენიმე კანდიდატი, თუმცა ხმათა უმრავლესობით საბოლოოდ მხოლოდ სამი დარჩება. სამი კანდიდატიდან ერთი გახდება საქართველოს მართლმადიდებელი ეკლესიიის 142-ე პატრიარქი.