“სავარაუდოდ დღეს გადაწყდება სინოდის მომავალი სხდომა როდის შედგება” – მეუფე საბა

ჩრდილოეთ ამერიკის ეპისკოპოსის, მეუფე საბას განცხადებით, სავარაუდოდ დღეს, სინოდის სხდომაზე გადაწყდება მომავალი კრების თარიღი.

„ეს არის ფარული ხმის მიცემის პროცედურა, ამიტომაც ჩვენ ვერ ვასახელებთ იმ კანდიდატურას, ვისაც ხმას ვაძლევთ. ალბათ, თითოეული ჩვენგანი უკვე ჩამოყალიბებულია ვის უნდა მისცეს ხმა და ღვთის წყალობით დღეს დასახელდება საპატრიარქოს 3 კანდიდატი და შემდეგ გაფართოებულ კრებაზე მოხდება ახალი პატრიარქის არჩევა. ჯერ არ ვიცით თარიღი, სავარაუდოდ დღეს გადაწყდება მომავალი კრება როდის შედგება“, – აღნიშნა მეუფე საბამ.

საპატრიარქოში 12:00 საათზე წმინდა სინოდის სხდომა გაიმართება – მღვდელმთავრები საპატრიარქო ტახტის სამ კანდიდატს აირჩევენ.