თბილისის მერია მეტროპოლიტენის შეფერხებაზე განმარტებას აკეთებს.
უწყების განმარტებით, პირველ ხაზზე, მატარებლის ტექნიკური ხარვეზის გამო მგზავრთა მომსახურება 11 წუთით შეფერხდა.
თბილისის მეტროს პირველ ხაზზე, მატარებლის ტექნიკური ხარვეზის გამო შეფერხდა მგზავრთა მომსახურება 11 წუთით. საჭირი გახდა მატარებლის ხაზიდან მოხსნა, რის გამოც მატარებლების შეჩერება გახდა საჭირო სადგურებზე. რაც შეეხება გვირაბების და სადგურების განიავებას, გამნიავებლები სამუშაო დღის განმავლობაში ირთვება ტექნიკური რეგლამენტით დადგენილი გრაფიკის თანახმად. ასევე, მს “მარჯანიშვილზე” მიმდინარეობს შპალების შეცვლა, ამიტომ მს “სადგურის მოედანი-მარჯანიშვილის” მონაკვეთზე მატარებლები მოძრაობენ დაბალი სიჩარით, არაუმეტეს 40კმ/სთ-ისა. რაც შეეხება, ინტერვალს პიკის საათში, არსებული რესურსიდან გამომდინარე, მაქსიმალურად არის შემცირებული მატარებლების გადაადგილების ინტერვალი და პიკის საათში, დილით და საღამოს, შეადგენს 2.5-3 წუთს,” – წერია განცხადებაში.