ნიკოლ ფაშინიანმა ოფიციალურად დაადასტურა, რომ ცოლს შეურიგდა.
ჟურნალისტებთან პრესკონფერენციისას პრემიერმინისტრმა აღნიშნა, რომ მნიშვნელოვანი ძალისხმევა გასწია ოჯახის გადასარჩენად მას შემდეგ, რაც წყვილმა თებერვლის ბოლოს ურთიერთობის დასრულება გამოაცხადა. პირად ცხოვრებაში მიმდინარე ცვლილებებზე საუბრისას ფაშინიანმა თქვა, რომ რეალობა ბევრად უფრო რთული აღმოჩნდა, ვიდრე ნებისმიერი გამოგონილი სცენარი.
„რეალური ცხოვრება ბევრად უფრო რთულია, ვიდრე თეატრი. თუ ამის ჯერ კიდევ არ გჯერათ, მომავალში აუცილებლად დარწმუნდებით“ – აღნიშნა ფაშინიანმა.
ფაშინიანმა საჯაროდ მოუხადა ბოდიში მეუღლეს მათი ერთობლივი ცხოვრების რთული მომენტებისთვის.
„ბოლო 30 წლის განმავლობაში, ჩემი ცხოვრების ყველაზე მძიმე დღეებში, ის ჩემს გვერდით იყო, ჩემი მხარდამჭერი იყო. არ ვარ დარწმუნებული, რომ მეც იგივე ვიყავი მისთვის,“ – დაწერა მან მანამდე სოციალურ ქსელში.
ჟურნალისტებთან საუბრისას განაცხადა, რომ მიუხედავად იმისა, რომ პატივს სცემდა ცოლის გადაწყვეტილებას, თავად ვერ შეეგუა მასთან დაშორების ფაქტს და აქტიურად დაიწყო ბრძოლა ურთიერთობის აღსადგენად.
„მიხარია, რომ ეს ხდება და ბედნიერი ვარ, რომ კიდევ ერთი შანსი მაქვს ჩვენი ოჯახის გადასარჩენად. ბუნებრივია, მთელი ამ დროის განმავლობაში ძალისხმევას არ ვაკლებდი, რომ ოჯახი შემენარჩუნებინა. მოხარული ვარ, რომ ეს მოხდა და მომეცა კიდევ ერთი შანსი, რომ ჩვენი ოჯახი კვლავ ერთად იყოს“ – განაცხადა ფაშინიანმა.
27 თებერვალს ანა აკობიანმა საჯაროდ გამოაცხადა ნიკოლ ფაშინიანთან ქორწინების დასრულება და სამთავრობო რეზიდენციიდან ნაქირავებ ბინაში გადასვლა.