მეფრინველეობის განვითარების ასოციაციის ხელმძღვანელი აცხადებს, რომ პლასტმასის აკრძალვა კვერცხის შეფუთვაზე არ გავრცელებულა, მაგრამ იმ შემთხვევაში, თუ გავრცელდება, ეს კვერცხის ღირებულებასაც გაზრდის.
“რამდენადაც ჩემთვის ცნობილია, პლასტმასთან მიმართებაში არსებული შეზღუდვა ეხება უშუალოდ საჭმელთან კონტაქტში მყოფ მასალას. კვერცხი ამ შემთხვევაში ნაჭუჭშია და შესაბამისად, პირდაპირ საკვებ პროდუქტს არ აქვს პლასტმასთან შეხება.
თუკი რეგულაციები ჩვენც შეგვეხო, მაშინ გადავერთვებით მუყაოს კოლოფებზე მარტივად, თუმცა ეს მუყაოს კოლოფები საკმაოდ ძვირი ღირს პლასტმასისგან განსხვავებით. შესაბამისად, თუ მოთხოვნა ჩვენზეც გავრცელდება ეს იქნება დამატებითი წნეხი თვითღირებულებისთვის, რაც კვერცხის ფასზეც შესაბამისად აისახება“ – ამბობს კომერსანტის ეთერში მეფრინველეობის განვითარების ასოციაციის ხელმძღვანელი ზურაბ უჩუმბეგაშვილი.