სუს-ის მიერ ჯაშუშობის ბრალდებით დაკავებული 27 წლის თამაზ გოლოევის საქმეს გრიფი დაედო.
სასამართლო პროცესს ვერ დაესწრება ვერც მედია და ვერც დაკავებულის ახლობლები. ადვოკატებს სუს-მა გაუთქმელობაზე მოაწერინა ხელი. გოლოევი თბილისის საქალაქო სასამართლოში ცოტა ხნის წინ მიიყვანეს. მოსამართლე მისთვის აღკვეთის ღონისძიების შეფარდებაზე იმსჯელებს.
სუს-მა გოლოევი 22 აპრილს დააკავა. პროკურატურამ მას და კიდევ 2 პირს ბრალდება გუშინ, 23 აპრილს წარუდგინა. მათ წინააღმდეგ გამოძიება საქართველოს სისხლის სამართლის კოდექსის 314-ე მუხლის პირველი ნაწილით (ჯაშუშობა) მიმდინარეობს, რაც 12 წლამდე თავისუფლების აღკვეთას ითვალისწინებს.