საქართველოს სომეხთა სათვისტომოს თურქეთის საელჩოსთან აქციის გამართვის უფლება არ მისცეს – ინფორმაციას რადიო თავისუფლება ავრცელებს. მათივე ცნობით, სომეხთა სათვისტომოს 24 აპრილის თბილისში, თურქეთის საელჩოს მიმდებარე ტერიტორიაზე მშვიდობიანი დემონსტრაციის გამართვა სურდათ, სადაც პატივს მიაგებდნენ სომეხთა “გენოციდის” მსხვერპლთა ხსოვნას. როგორც სათვისტომოს გამგების წევრი ჟანეტა ბაღდასარიანი ამბობს, აქციის გამართვის სურვილის შესახებ ვადების დაცვით წერილობით მიმართეს მუნიციპალიტეტსა და შინაგან საქმეთა სამინისტროს, თუმცა მათგან მოთხოვნილ ტერიტორიაზე აქციის გამართვის თაობაზე უარი მიიღეს.
როგორც სათვისტომოს გამგეობის წევრი და ორგანიზაციის მდივანი ჟანეტა ბაღდასარიანი რადიო თავისუფლებას ეუბნება, ისინი არ განიხილავენ და არ ჩაატარებენ აქციას სხვა ადგილას. მათთვის პრინციპული იყო დემონსტრაციის ჩატარება თურქეთის საელჩოსთან, როგორც ამას ბოლო ოცი წლის განმავლობაში აკეთებდნენ.
“სომეხთა სათვისტომო სხვა ლოკაციაზე ჩატარებაზე უარს აცხადებს, არ განვიხილავთ აქციის ჩატარებას სხვა მისამართზე გარდა თურქეთის საელჩოს მიმდებარე ტერიტორიისა. ამიტომ ჩვენ არაფრის გამართვას არ ვგეგმავთ“ – ეუბნება ჟანეთა ბაღდასარიანი რადიო თავისუფლებას.
„ეს პრაქტიკა არ შეესაბამება სამართლებრივი სახელმწიფოს სტანდარტებს და ძირს უთხრის სახელმწიფო ინსტიტუტების მიმართ ნდობას. წლების განმავლობაში საქართველო წარმოადგენდა თავს, როგორც დემოკრატიული სახელმწიფო, რომელიც დაფუძნებულია კანონის უზენაესობის, ადამიანის უფლებების პატივისცემისა და გამოხატვის თავისუფლების პრინციპებზე. ჩვენ დარწმუნებულები ვართ, რომ საზოგადოების ყველა ჯგუფს, მათ შორის ეროვნულ უმცირესობებს, უნდა შეეძლოთ თავისუფლად და მშვიდობიანად გამოხატონ თავიანთი სამოქალაქო შეხედულებები ამ პირობებში“ – აცხადებენ სომეხთა სათვისტომოში.
6 აპრილს შსს-მ საქართველოს სომეხთა სათვისტომოს 6 აპრილის მიმართვა დააკმაყოფილა და მეტროსადგურ ისნის მიმდებარე ტერიტორიიდან ავლაბრის სურბ ეჩმიაძინის ეკლესიის ეზომდე ჩირაღდნებით მსვლელობის ნება დართო.
ფოტო: რადიო თავისუფლება