უკრაინაში დაღუპულ ქართველ მებრძოლს, დავით ღოღაძეს, კიევის წმინდა ვლადიმირის საკათედრო ტაძარში პანაშვიდი გადაუხადეს – უკრაინაში 2 წლის წინ დაღუპულ ქართველ მებრძოლს, დავით ღოღაძეს, სამშობლოში 26 აპრილს ჩამოასვენებენ. გმირს კვირას, 18:00 საათზე, თბილისის საერთაშორისო აეროპორტის ლასარეს ტერმინალში ჩამოასვენებენ, ამის შემდეგ კი მას თელავში გადაასვენებენ. დაღუპული მებრძოლის გადმოსასვენებლად უკრაინაში იმყოფებიან დავით ღოღაძის ძმა და ბიძაშვილი. გადმოსვენების პროცედურა საბრძოლო მოქმედებების გამო ამ დრომდე ვერ მოხერხდა.
ქართველი მებრძოლი დავით ღოღაძე უკრაინაში 2024 წლის 7 მაისს დაიღუპა. ის ქართული საბრძოლო ქვედანაყოფის ” შავი არწივის” წევრი იყო. ამავე ქვედანაყოფიდან ღოღაძესთან ერთად ქართველი მებრძოლი ბესო ლომიძეც დაიღუპა.
ორივე მათგანი ავდეევკის მიმართულებით მიმდინარე შეტაკებებს იმ დროს ემსხვერპლა, როცა დაღუპული თანამებრძოლის, სოსო გუგუტიშვილის ფრონტის ხაზიდან გამოყვანას ცდილობდნენ.
დავით ღოღაძეს თელავში სამხედრო პატივით დაკრძალავენ.