ისეთი ადამიანები აღმოჩნდნენ ხელისუფლებაში, ვინც არ იცის რას ნიშნავს სახელმწიფოებრივი პასუხისმგებლობა, ამის შესახებ მწერალმა, დათო ტურაშვილმა გადაცემა “რეაქციაში“ განაცხადა.
მან კახა კალაძის სიტყვები გაიხსენა, რომელმაც თქვა, რომ “ის არავისზე არ არის პასუხისმგებელი, საკუთარი თავის გარდა“.
როგორც ტურაშვილმა თქვა, ვისაც არ უნდა, რომ ჰქონდეს პასუხისმგებლობა ვინმეზე და რამეზე, ის საერთოდ არ უნდა იყოს ხელისუფლებაში და სახლში უნდა იყოს.
ამასწინათ მოვისმინე კატასტროფული აზრი, ერთ-ერთი მაღალჩინოსნისგან, ისეთი საოცრება თქვა, მე მგონი, არათუ საქართველოს ისტორიაში, არამედ კაცობრიობის ისტორიაშიც, არცერთ თანამდებობის პირს ასეთი რამე არ უთქვამს, რაც ჩემი ყურით მოვისმინე. მან თქვა, რომ არაფერზე და არავისზე ვარ პასუხისმგებელი, საკუთარი თავის გარდა. წარმოიდგინე, ისეთი ადამიანები აღმოჩნდნენ ხელისუფლებაში, ვინც არ იცის რას ნიშნავს სახელმწიფოებრივი პასუხისმგბელობა. ვისაც არ უნდა რომ ჰქონდეს პასუხისმგებლობა ვინმეზე და რამეზე, ის საერთოდ არ უნდა იყოს ხელისუფლებაში, სახლში უნდა იყოს. სწორედ პასუხისმგებლობაა პრიველი, რაც გვაკლია, ამ ქვეყანას და ადამიანებს. პასუხისმგებლობას მოაქვს თავისუფლება და განუყოფელია. კაცობრიობის ისტორიაში არავის წამოცდენია, რომ რაც არ უნდა მოხდეს, ვინც არ უნდა მოიპაროს, ბავშვი მოკლეს და ა.შ. ანუ შეეწიროს ჩემს უპასუხისმგებლობას, მე მაინც არ ვარ პასუხისმგებელი. დაუჯერებელია, რომ ადამიანი, რომელიც ხელისუფლებაშია, თურმე პასუხისმგებლობა არ უნდა ჰქონდეს. ეს ხალხი ვინ არის, ვინც უკან, რუსეთში გვაბრუნებს- ვინც გაურბის თავისუფლებას, იმიტომ რომ პასუხისმგებლობას გაურბის… კალაძე რომ შემოგვიბრუნდეს და გვითხრას, დიახ, არ მაქვს პასუხისმგებლიბა თქვენს მიმართ, ვერც შევეკამათები,რადგან მან ზუსტად იცის ის ერთადერთი ადამიანი, ვის მიმართაც აქვს პასუხისმგებლობა, ის ასე თვლის, რადგან მან დანიშნა– განაცხადა ტურაშვილმა.