“ხვიჩა სეზონს მაღალ დონეზე ატარებს, დაცვაში დიდი მოცულობის სამუშაოს ასულებს” – ლუის ენრიკე

ხვიჩა კვარაცხელიამ კომენტარი გააკეთა „ნანტთან“ საფრანგეთის ლიგა 1-ის გამოტოვებულ მატჩზე, რომელიც „პარი სენ-ჟერმენმა“ 3:0 მოიგო, რაშიც ქართველმა ვარსკვლავმა მთავარი როლი ითამაშა.

„ტიტულებისთვის ვიბრძვით და ამის გათვალისწინებით, „პარი სენ-ჟერმენისთვის“ თითოეული მატჩი ძალიან მნიშვნელოვანია. ფიზიკურად თავს ძალიან კარგად ვგრძნობ – ასევეა მთელი გუნდი. დღეს ვაჩვენეთ, რომ ერთსულოვნებით ყველაფერი გამოგვდის. მეორე გოლი კარგი იყო. თუმცა, ვიდეოზე, განმეორებით ჯერ არ მინახავს და აუცილებლად ვნახავ“, – განაცხადა ქართველმა ვარსკვლავმა.

ხვიჩა კვარაცხელია ფრანგული გრანდის მთავარმა მწვრთნელმა, ლუის ენრიკემ შეაქო და დაცვაში მის თამაშს გაუსვა ხაზი.

„ხვიჩა მთელი სეზონის განმავლობაში მაღალ დონეზე ასპარეზობს. მის თვისებებზე არ ვსაუბრობ, რადგან ეს ყველამ იცის. მაგრამ ვგულისხმობ მის ხასიათს, თუ როგორ თამაშობს დაცვაში მეტოქის და ანგარიშის მიუხედავად. ეს მართლაც მნიშვნელოვანია“, – განაცხადა ლუის ენრიკემ.