აქტივისტი და ფოტოგრაფი ლევან ზაზაძე სოციალურ ქსელში დიუშენის კუნთოვანი დისტროფიის მქონე ბავშვების მშობლების შესახებ პოსტს აქვეყნებს:
“სანამ ჩვენ გვეძინა, მერე ავდექით, გავემზადეთ და სამსახურში წავედით, აი ამ დროს, დედები კანცელარიის წინ ღამეს ათენებდნენ ღია ცის ქვეშ.
დედებს ამის გადატანა უწევთ იმისთვის, რომ სახელმწიფომ შვილების სიცოცხლისათვის აუცილებელი წამლები შემოიტანოს!!” – წერს აქტივისტი და ფოტოგრაფი ლევან ზაზაძე სოციალურ ქსელში და ნიკოლოზ ტყემალაძის ფოტოს აქვეყნებს.
დიუშენის კუნთოვანი დისტროფიის მქონე შვილების მშობლები უკვე მე-3 ღამეა კანცელარიასთან ღამეს ათევენ. მათი მთავარი მოთხოვნაა, რომ ქვეყანაში მედიკამენტი შემოიტანონ. პარალელურად, წამლის შემოტანისკენ ჯანდაცვის სამინისტროს მოუწოდებენ დიუშენის კუნთოვანი დისტროფიის მქონე პაციენტებიც.