“როდესაც ძირს დაგდებულ ახალგაზრდა მამაკაცს სახეში წიხლით სცემს სამართალდამცველი, როდესაც ჟურნალისტს, ვინც არ უნდა იყოს, ასეთების პრევენცია განუხრელად მოხდება და წარსულითაც შეიძლება დავინტერესდე” – ამის შესახებ მამუკა მდინარაძემ ტელეკომპანია “იმედის” ეთერში განაცხადა.
მისი თქმით, აქამდე მას ამ თემაზე არ უსაუბრია, თუმცა ახლა მისი “კომპეტენცია ახლანდელიც და ხვალინდელიც აძლევს უფრო თამამად თქმის საშუალებას”.
ბევრი გვიფიქრია ამ თემებზე, ბევრი გვილაპარაკია და ბევრი გვინერვიულია კიდევაც, როდესაც ძირს დაგდებულ ახალგაზრდა მამაკაცს სახეში წიხლით სცემს სამართალდამცველი, როდესაც ჟურნალისტს, ვინც არ უნდა იყოს, როგორიც არ უნდა იყოს, რა მნიშვნელობა აქვს, მე ახლა კი არ ვამბობ, ბევრჯერ მითქვამს, თქვენთან წინა ეთერებშიც ამის შესახებ ზუსტად ასე მილაპარაკია, მაგრამ ახლა ჩემი კომპეტენცია ახლანდელიც და ხვალინდელიც მაძლევს უფრო თამამად თქმის საშუალებას… ასეთების პრევენცია განუხრელად მოხდება და წარსულითაც შეიძლება დავინტერესდე…” – განაცხადა მამუკა მდინარაძემ. [შიფრი: “ტაბულა”]
ცნობისთვის, “ქართულ ოცნებაში” სამთავრობო ცვლილებებია – ირაკლი კობახიძემ გუშინ 21 აპრილს თქვა, რომ გეკა გელაძე შინაგან საქმეთა მინისტრის პოსტს ტოვებს და საქართველოს სახელმწიფო უსაფრთხოების სამსახურის უფროსი ხდება.
მამუკა მდინარაძე ვიცე-პრემიერის პოსტს დაიკავებს. საინტერესოა კიდევ ერთი დეტალი: მამუკა მდინარაძისთვის ახალი უწყება იქმნება – ის ძალოვან სტრუქტურებთან კოორდინაციის საკითხებში სახელმწიფო მინისტრიც ხდება. [შესაბამისი ცვლილებებს საკანონმდებლო ორგანომ უნდა დაუჭიროს მხარი].
რაც შეეხება შინაგან საქმეთა სამინისტროს, ამ პოსტზე სულხან თამაზაშვილს ნიშნავენ.