“როგორც ჩანს, მთავრობა გახდება სრულიად ტექნიკური, პოლიტიკური კომპონენტის გარეშე” – გია ხუხაშვილი, სამთავრობო ცვლილებებთან დაკავშირებით. მისი თქმით, საბოლოოდ ქვეყანა შესაძლოა სრულიად ტექნიკური, პოლიტიკური კომპონენტისგან დაცლილი მმართველობის მოდელზე გადავიდეს – ამის შესახებ გია ხუხაშვილმა “მეტრონომთან” საუბრისას განახცადა.
“მე ვფიქრობ რომ სამთავრობო ცვლილებები სისტემური პროცესია და უკავშირდება ამ ახალგაზრდა ესე რომ ვთქვათ პოლიტიკოსების ნელ-ნელა თამაშიდან გაყვანას. მთავრობა როგორც ჩანს გახდება სრულიად ტექნიკური, პოლიტიკური კომპონენტის გარეშე, ჩანს რომ ეს უნდა იყოს ჩანაფიქრი და კობახიძეს საკუთარ პოლიტიკურ სამარეს თავისი ხელით ათხრევინებენ და ესეც ძალიან ტრაგიკომიკურად გამოიყურება” – განაცხადა გია ხუხაშვილმა “მეტრონომთან”.
ცნობისთვის, იცვლება შინაგან საქმეთა მინისტრი – გელა (გეკა) გელაძეს შეცვლის სულხან თამაზაშვილი, რომელიც აქამდე აჭარის მთავრობის თავმჯდომარე იყო. სუსის უფროსი აღარ იქნება მამუკა მდინარაძე, მის ადგილს გელა გელაძე დაიკავებს. მამუკა მდინარაძე კი ინიშნება ვიცე-პრემიერად.
ამასთან, მთავრობის სტრუქტურას ემატება ახალი პოზიცია: „სამართალდამცავი ორგანოების კოორდინაციის საკითხებში სახელმწიფო მინისტრი“, რომელსაც მამუკა მდინარაძე დაიკავებს.