“მამუკა ძალიან აკლდა ქართულ პოლიტიკას და მიხარია მისი დაბრუნება!” – წერს სოციალურ ქსელში ოცნების მხარდამჭერი მომღერალი თემურ თათარაშვილი.
21 აპრილს გამართულ ბრიფინგზე ირაკლი კობახიძემ მთავრობაში საკადრო ცვლილებებზე ისაუბრა. კობახიძის გადაწყვეტილებით, მთავრობის სტრუქტურას სამართალდამცავი ორგანოების კოორდინაციის საკითხებში სახელმწიფო მინისტრის თანამდებობა ემატება, რომელსაც მამუკა მდინარაძე დაიკავებს, გარდა ამისა ის ვიცე-პრემიერიც იქნება.
სუს-ის პოსტზე გეკა გელაძე დაინიშნება, შინაგან საქმეთა სამინისტროს კი ბრიტანეთისა და სხვა ევროპული ქვეყნების მიერ სანქცირებული სულხან თამაზაშვილი დაიკავებს. ჯერჯერობით უცნობია, ვინ უხელმძღვანელებს აჭარის მთავრობას. კობახიძის გადაწყვეტილებითვე, საგარეო საქმეთა მინისტრი მაკა ბოჭორიშვილი მესამე ვიცე-პრემიერად დაინიშნება.