საქართველოში ვერცხლი გაძვირდა

საქართველოში ვერცხლი გაძვირდა – ამის შესახებ მოვაჭრეები გამოცემა BM. ge-სთან საუბრობენ. მათი თქმით, მიუხედავად იმისა, რომ ბოლო პერიოდში გლობალურ ბირჟაზე ოქროს ფასის შემცირების კვალდაკვალ ფასმა ვერცხლზეც დაიკლო, ბოლო ერთ წელში ძვირფასი ლითონი თითქმის 145%-ით არის გაძვირებული, ვერცხლის ფასი კი ბოლო ერთ თვეში 15%-ით გაიზარდა. როგორც მოვაჭრეები ამბობენ, ამ დროისთვის 1 გრამი ვერცხლის საბითუმო შესასყიდი ფასი 11 ლარი, საცალო ღირებულებით კი 15-20 ლარის ფარგლებშია

“1 გრამის ფასი იყო 7,5 ლარი და უცებ გახდა 10 ლარი, მერე გახდა 15 ლარი. ძალიან ცუდად მოქმედებს ეს საბითუმო მომხმარებლებზე. 1 თვეა, რაც დაიწია ფასებმა, პატარა რყევები არის, მაგრამ იმედია არსებული ფასი შენარჩუნდება. ამჟამად 1 გრამის შესასყიდი საბითუმო ფასი 11 ლარი გახდა” – ამბობს გამოცემასთან Irma Silver-ის დამფუძნებელი, ირმა საბაშვილი.