მსახიობმა ჟანრი ლოლაშვილმა ჟურნალ “OK”-სთან განვლილ ცხოვრებაზე ისაუბრა და მკითხველს რჩვებებიც მისცა.
“მეხსიერება კაი რამეა. ხშირად გარედან ხდება პასუხები და არა შიგნიდან. შენგან კი არა, არამედ, გარედან. იქ ძალიან ბევრი ბიძგია. შენ შენი ჭკუით და შენი ფეხებით დადიხარ და სწორ გზაზე უნდა დადგე, სამშვიდობოს რომ გახვიდე. ჩვენ მუდმივი აბიტურიენტები ვართ. მე განსაკუთრებით, სცენაზეც და მხატვრობაშიც. სულ რომ გამოცდების ჩაბარებისთვის გვიწევს მზადება. საბოლოოდ კი, რა არის ცხოვრება? − გულში ჩაკერებული აპარატურა და ბოლო ცდები, რომ ადამიანებთან კარგი ურთიერთობები გქონდეს.
მე რაღაც 3 დღე დამრჩენია. თავს კი არ გაცოდებთ − ყველა ასეა. მინდა ეს დღეები სიყვარულში გავატარო. ბევრს ფიქრობ ადამიანი, ბევრს. გინდა ვიღაცები გაამართლო მათი საქციელის გამო, გინდა, მაგრამ უცებ ეს ფიქრები გღლის… საჭიროა პასუხისგება შენს ჩადენილ საქციელებზე. სხვის ჩადენილ საქციელებზეც ფიქრობ. მე თუ მკითხავთ, კიდევ დიდხანს ცხოვრობს ადამიანი ასეთ ორომტრიალში.” – ჟანრი ლოლაშვილი