ბერ ნიკოლოზს ჯანმრთელობის სერიოზული პრობლემები ჰქონდა, თუმცა, გავრცელებული ინფორმაციით, სასწრაფო დახმარების მედიკოსებს მის ბინაში შესვლის შესაძლებლობა არ მიეცათ. ამის შესახებ ცნობები სოციალურ ქსელში ვრცელდება.
ირკვევა, რომ აღნიშნულ ფაქტთან დაკავშირებით შსს-ს ინგა ბოლოთაური დაუკავშირდა და უთხრა, რომ ადგილზე პროვოკატორები იყვნენ მობილიზებულები და დახმარება ითხოვა, თუმცა რეაგირება არ ყოფილა.
სოციალურ ქსელში მოქალაქეები წერენ, რომ დახმარებას თავად ბერი ნიკოლოზიც წერილობით ითხოვდა.
ადგილობრივის განცხადებით, ბერი ნიკოლოზი ბოლოს 9 აპრილს გამოჩნდა და შეუძლოდ გამოიყურებოდა.
“9 აპრილს გამოვიდა, ცუდად გამოიყურებოდა. ისეთი ქაოსი იყო, ყველას ჭკუას ურევდნენ, მამაოს რა უნდა ექნა? ხალხსაც ჭკუას ურევდნენ, იქ ვინც იდგა. ესენი მართლა ამათმა საქციელებმა აცვეს ჯვარს ეს მამაო, ასეთ დღეში ჩააგდეს” – ამბობს ადგილობრივი.
ბერი ნიკოლოზ (ნარიმანი) მაქარაშვილი საკუთარ ბინაში გარდაცვლილი იპოვეს.