დააკავეს 4 პირი, რომლებმაც შსს-ს ინფრომაციით, სწრაფი ჩარიცხვის აპარატები მოიპარეს , საიდანაც 10 000 ლარამდე თანხას დაეუფლნენ – ფაქტები გარდაბნისა და მარნეულის მუნიციპალიტეტებში სხვადასხვა დროს მოხდა.
შსს-ს ინფორმაციით, წინასწარი შეთანხმებით ჯგუფის მიერ ჩადენილი ქურდობის ბრალდებით დაკავებულია 2007 წელს დაბადებული ი.ი., 2006 წელს დაბადებული ლ.გ., 2007 წელს დაბადებული ე.ა. და 2006 წელს დაბადებული ა.მ.
“სამართალდამცველებმა ჩატარებული საგამოძიებო მოქმედებების შედეგად დამნაშავე პირები ბრალდებულის სახით მომხდარიდან მალევე დააკავეს.
გამოძიება სისხლის სამართლის კოდექსის 177-ე მუხლის მე-2 და მე-3 ნაწილებით მიმდინარეობს, რაც 7 წლამდე ვადით თავისუფლების აღკვეთას ითვალისწინებს”, – წერია შსს-ს განცხადებაში.