სასამართლომ სრულად შეწყვიტა ადმინისტრაციული სამართალწარმოება თამარ ფერაძის წინააღდმეგ, რომელსაც შსს გზის გადაკეტვას ედავებოდა – ინფორმაციას “ტვ პირველი” ავრცელებს. როგორც სამოქალაქო აქტივისტმა, სასამართლო სხდომის დასრულების შემდეგ “ტვ პირველთან” განაცხადა, შინაგან საქმეთა სამინისტრომ სამართალდარღვევის დამადასტურებელი მასალები ვერ მიიტანა. არადა უწყებას ამისთვის დამატებით რამდენიმე კვირა, თავად მოსამართლე კობა ჩაგუნავამ მისცა.
“რაც შეეხება ადმინისტრაციულ სამართალდამრღვევად ჩემს ცნობას, უბრალოდ პრობლემა ის იყო, რომ ჩემი დაკავება მოხდა გაუგებარ ვითარებაში. გამიტაცეს სახლიდან და გადამსვეს 4 მანქანაში, სანამ მომიყვანეს სასამართლოში. ვერ წარმოადგინეს ვერც ჩემი დაკავების დრო, იმიტომ, რომ გამორჩენილიი იყო და ვერც ვიდეოჩანაწერი, რაც ედოთ საქმეში. საქმეში იდო 10 კამერის გამოკვლეული ვიდეოჩანაწერი და წარმოადგინეს ერთი, ეს წინაზეც იყო წარმოდგენილი და არ დასტურდება, რომ მე გზის სავალ ნაწილზე გადავდივარ. ჩემი ადვოკატი იმსჯელებს, როგორ შეიძლება ეს საქმე სტრასბურგში წავიღოთ”, – ამბობს თამარ ფერაძე.
ტროტუარზე დგომის და გზის გადაკეტვის გამო თამარ ფერაძეს ჯარიმა და რამდენიმე დღიანი პატიმრობა ემუქრებოდა.