სასამართლომ ვახტანგ გაგნიძეს 3-დღიანი პატიმრობა შეუფარდა – სამოქალაქო აქტივისტს შსს გზის გადაკეტვას და ტროტუარის სავალი ნაწილის დაკავებას ერთდროულად ედავებოდა.
როგორც ადვოკატი დიმიტრი გვრიტიშვილი აცხადებს, ვახტანგ გაგნიძე დღევანდელ პროცესს ჯანმრთელობის მდგომარეობის გამო ვერ დაესწრო, თუმცა ის არ აპირებს დამალვას და შესაძლოა, იზოლატორში თავად გამოცხადდეს.
“შსს-ს წარმომადგენლები გვედავებოდნენ ვახტანგ გაგნიძის მიმართ ისეთი ქმედების განხორციელებას, როგორიცაა გზის გადაკეტვა და ე.წ. ტროტუარის საქმეები, ანუ საფეხმავლო მონაკვეთის გადაკეტვას. რეალურად რამდენიმე საქმე იყო გაერთიანებული. სასამართლომ არ გაიზიარა ჩვენი არგუმენტები და ვახტანგ გაგნიძის მიმართ გამოტანილი იქნა ადმინისტრაციული პატიმრობა სამი დღის ვადით. გაგნიძე ჯანმრთელობის მდგომარეობიადნ გამომდინარე ვერ ესწრებოდა პროცესს, თუმცა იზოლატორში გადაყვანასთან დაკავშირებით არანაირ დამალვას არ აპირებს”, – აცხადებს ადვოკატი დიმიტრი ვარდიაშვილი.