თურქეთის ერთ-ერთი პროვინციის სკოლაში 19 წლის ბიჭი შეიჭრა და ცეცხლი გახსნა, შემდეგ კი თავი მოიკლა – ინფორმაციას ადგილობრივი მედია სამხრეთ-აღმოსავლეთით მდებარე პროვინცია შანლიურფას გუბერნატორ ჰასან შილდაკზე დაყრდნობით ავრცელებს და წერს, რომ შემთხვევის შედეგად სულ მცირე 16 ადამიანი დაშავდა, მათ შორის არიან მოსწავლეები.
გუბერნატორის ცნობით, ამ დროისთვის, ყველა დაშავებული კლინიკაშია გადაყვანილი, სკოლაში კი ევაკუაცია განხორციელდა. მომხდარზე დაწყებულია გამოძიება.