კილომეტრიანი საცობი ლარსზე – რუსეთ-საქართველოს დამაკავშირებელ გზაზე მოძრაობა აკრძალულია. დიდთოვლობის და უამინდობის გამო, უღელტეხილზე ზვავსაშიშროების მაღალი რისკია.
გადაადგილება შეუძლებელია, როგორც ლარსის, ასევე ჯვრის უღელტეხილის მიმართულებით. გზების დეპარტამენტის ინფორმაციით, გუდაური-კობის მონაკვეთზე დროებით დაწესდა შეზღუდვები ავტოტრანსპორტის მოძრაობაზე. სააგენტოს ცნობით, მლეთა-გუდაურის მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში.