დეკანოზი გიორგი აბდუშელიშვილი ამბობს, რომ ეკლესია რუსეთის საკითხზე დუმს და სასულიერო პირებს მოუწოდებს, გაირკვეს, ვინ რომელ მხარეს დგას — ვის უნდა საქართველოს დამოუკიდებლობა და ვის რუსეთის წიაღში ყოფნა.
„როდესაც დღეს ქართველი ერი იბრძვის იმისათვის, რომ როგორმე თავი დააღწიოს რუსულ ურდოს, ჩვენი დედა ეკლესია ამასთან დაკავშირებით დუმს და კი არ დუმს, ხელს უწყობს რუსეთის აგენტებს ჩვენს ქვეყანაში.
თხოვნით მივმართავ ეპისკოპოსებს: ამას წმინდა სინოდი სჭირდება თუ რა სჭირდება, უნდა გაირკვეს, ვინ რომელ მხარესაა – ვის უნდა საქართველოს დამოუკიდებლობა და ვის უნდა რუსეთის წიაღში ყოფნა.
ქართული ეკლესიის კურსი დაუკავშირდა რუსეთს და ეს კურსი გრძელდება დღემდე“ – ამბობს რუის-ურბნისის ეპარქიის დეკანოზი გიორგი აბდუშელიშვილი ქადაგებისას.