„უკრაინამ არაერთხელ განაცხადა, რომ მზად ვართ სარკისებური ნაბიჯებისთვის. ჩვენ წელს აღდგომის დღესასწაულებზე ცეცხლის შეწყვეტა შევთავაზეთ და შესაბამისად ვიმოქმედებთ. ხალხს სჭირდება აღდგომა მუქარის გარეშე და რეალური ნაბიჯები მშვიდობისკენ, ხოლო რუსეთს აქვს შანსი, აღდგომის შემდეგ დარტყმებს აღარ დაუბრუნდეს“ — წერს ზელენსკი სოციალურ ქსელში.
პუტინმა უკრაინასთან „სააღდგომო ზავი“ გამოაცხადა , რომელმაც უნდა გასტანოს 11 აპრილის დღის 4 საათიდან [მოსკოვის დროით] 12 აპრილის ბოლომდე.
ცნობისთვის, 30 მარტს ვოლოდიმირ ზელენსკიმ განაცხადა, რომ უკრაინა მზადაა ცეცხლის შეწყვეტისათვის აღდგომის დღესასწაულის დროს და ენერგეტიკული ზავისთვის.
ზელენსკიმ აღნიშნა, რომ უკრაინა მხარს უჭერს ცეცხლის შეწყვეტის ნებისმიერ ფორმატს და ზოგადად, ომის დასრულებას, მაგრამ მხოლოდ იმ შემთხვევაში, თუ სახელმწიფოს ღირსებას და დამოუკიდებლობას არ დაკარგავს. წინააღმდეგ შემთხვევაში უკრაინა საკუთარი ტერიტორიების დანებებას არ აპირებს.