ევროპარლამენტის ჯგუფი უნგრეთის მთავრობის გარშემო მიმდინარე სკანდალს განცხადებით ეხმაურება – საუბრაია სენსიტიური ინფორმაციის რუსეთისთვის გადაცემაზე.
ევროპარლამენტში მოითხოვენ, რომ პრორუს დეპუტატებს საიდუმლო ინფორმაციაზე წვდომა შეუზღუდონ – მათი ოფისების საქმიანობა კი შემოწმდეს.
ევროპარლამენტის პრეზიდენტ რობერტა მეცოლასთვის გაგზავნილი წერილი 9 აპრილს გამოაქვეყნა ლიეტუველმა დეპუტატმა პეტრას აუსტრევიჩიუსმა.
დეპუტატები მიიჩნევენ, რომ მსგავსი რისკი ევროპარლამენტშიც არსებობს.
ევროპარლამენტის წევრთა ჯგუფი აცხადებს, რომ რისკების აღკვეთის საკითხი არაერთხელ დაისვა, მაგრამ არანაირი არსებითი ცვლილება არ მომხდარა და პრორუსულად განწყობილ დეპუტატებს ისევ აქვთ შესაძლებლობა დაესწრონ დახურულ სხდომებს და თანამშრომლები დაიქირავონ შესაბამისი შემოწმების გარეშე.
დეპუტატები, რომლებმაც ევროპარლამენტის პრეზიდენტს მიმართეს, მიიჩნევენ, რომ მსგავსი ვითარება ქმნის შესაძლებლობას, რუსეთს გადაეცეს კონფიდენციალური ინფორმაცია, კერძოდ, უკრაინის სამხედრო და ფინანსური მხარდაჭერის დეტალები.
უნგრეთის საპარლამენტო არჩევნებამდე რამდენიმე დღით ადრე ვიქტორ ორბანი ახალ სკანდალში ეხვევა. გამომძიებელი ჟურნალისტების ერთობლივმა ჯგუფმა უნგრეთის საგარეო საქმეთა მინისტრისა და სერგეი ლავროვის სატელეფონო საუბრის ახალი ჩანაწერი გამოაქვეყნეს. ირკვევაა, რომ პიტერ სიიარტო კრემლს ევროკაშირის კონფიდენციალურ დოკუმენტაციას აწვდიდა. სქემა ასეთი იყო. დოკუმენტებს უნგრეთი მოსკოვში მათ საელჩოს უგზავნიდა, საიდანაც პუტინის გუნდი ხელში ხვდებოდა.