ოკუპირებულ აფხაზეთში სავარაუდოდ, ოჯახის წევრების მხრიდან ჩადენილი ძალადობისა და სასტიკი მოპყრობის შედეგად 5 წლამდე ბავშვი გარდაიცვალა.
მომხდარის შესახებ ინფორმაცია „აფსნიპრესმაც“ გაავრცელა. შემთხვევა მიმდინარე წლის 7 აპრილს მოხდა.
ირკვევა, რომ ბავშვს თავის, სახის, ტანის, ზედა და ქვედა კიდურების მრავლობითი დაზიანებები აღენიშნებოდა. . ოკუპირებული აფხაზეთის ბავშვთა რესპუბლიკური საავადმყოფოს ექიმებმა გოგონას გადარჩენა ვერ შეძლეს.
ბავშვის გარდაცვალების მიზეზის დასადგენად დანიშნულია სასამართლო-სამედიცინო ექსპერტიზა.
ამასთან, ბავშვთა ომბუდსმენის, მაკტინა ჯინჯოლიას ინფორმაციით, საქმეში ოკუპირებული გულრიფშის რაიონის ე.წ. პროკურატურა, ე.წ. შინაგან საქმეთა სამინისტროსთან ერთად ჩაერთო.
„ეს ტრაგიკული შემთხვევა ნათელი დასტურია იმისა, რომ სამწუხაროდ, ოჯახში ძალადობის პრობლემის თვალსაზრისით აფხაზეთი გამონაკლისი არაა. ბავშვთა მიმართ ოჯახში ძალადობა ჩვენს საზოგადოებაში კვლავ სერიოზულ და მტკივნეულ პრობლემად რჩება. დარწმუნებულები ვართ, რომ ბავშვების ეფექტური დასაცავად აუცილებელია საკანონმდებლო ზომების მიღება ოჯახში ძალადობის კრიმინალიზებისთვის“, – განაცხადა ბავშვთა „ომბუდსმენმა“.
ფოტო: ნეთგაზეთი.