არქიმანდრიტი დოროთე ყურაშვილის განცხადებით, მას აქვს სურვილი, რომ საქართველოს კათალიკოს-პატრიარქი მეუფე აბრაამი (გარმელია) გახდეს.
მისი თქმით, დღეს რა პრობლემებიც არის ეკლესიაში, ამისგან “ეკლესიის გამოყვანა შეუძლია მეუფე აბრაამს”.
არქიმანდრიტი დოროთე აღნიშნავს, რომ მეუფე აბრაამს გამოცდილებაც აქვს, ცოდნაც და ამავდროულად ქვეყნის, ერის და ეკლესიის მოყვარულია.
მე სურვილი მაქვს, რომ მეუფე აბრაამი დასახელდეს და მეუფე აბრაამი გახდეს საქართველოს კათალიკოს-პატრიარქი იმიტომ, რომ მე ვიცნობ საქართველოს ეკლესიას, მე ვიცნობ ბევრ მღვდელმთავარს, მე ვიცნობ მეუფე აბრაამს და მე ვიცი, რომ დღეს რა პრობლემებიც არის ეკლესიაში, ამისგან ეკლესიის გამოყვანა შეუძლია მეუფე აბრაამს, სხვებსაც ალბათ, მაგრამ ერთ-ერთი ვისაც ეს შეუძლია, არის მეუფე აბრაამი, გამოცდილებაც აქვს, ცოდნაც აქვს და ამავდროულად ხასიათიც აქვს ისეთი, რომ ის არ არის მერყევი ადამიანი, საკმაოდ მტკიცეა და ამავდროულად ქვეყნის, ერის და ეკლესიის მოყვარულია. მე დიდი იმედი მაქვს, რომ ღმერთი გადმოგვხედავს და ერთ-ერთი კანდიდატი იქნება.
ჩემ აზრს ვიტყვი, მეუფე აბრაამი არის მართლმადიდებელი, მართლმადიდებლობა ნიშნავს სიმართლის მსახურებას და პრო-ევროპულობა თანამედროვე ტერმინია, მაგრამ თუ ამ პრო-ევროპულობაში, რაიმე არამართლმადიდებლურია, ის ამას არ დაეთანხმება. ამიტომ, ის არ არის კონფლიქტური არც ევროპასთან, არც რუსეთთან, მაგრამ რაც კარგია იმას ღებულობს და რაც არ არის კარგი იმას არასდროს არ დაეთანხმება და არასდროს არ მიიღებს და ასეთი პატრიარქი გვჭირდება, ესეთი გვყავდა და ესეთი გვჭირდება ჩვენ დღეს,” – განაცხადა არქიმანდრიტმა.