მეუფე საბა გიგიბერიას ხმაურიანი ქადაგება ამბიონიდან, წმინდა სინოდის წევრებს შორის განხილვის საგნად იქცა – ხონისა და სამტრედიის მიტროპოლიტი პატრიარქობის სავარაუდო კანდიდატს, რამდენიმე დღის წინ ქადაგებისას გაკეთებული განცხადების გამო ღიად უპირისპირდება.
საუბარია, ურბნისისა და რუისის ეპარქიის მიტროპოლიტის ქადაგებაზე, სადაც მაღალმა იერარქმა პატრიარქ ილია მეორეს როლზე ისაუბრა და ის ეპოქალურ პატრიარქად მოიხსენია. თეოლოგების შეფასებით, მეუფე საბამ ქადაგების ეს ნაწილი გამოტოვა და მხოლოდ ერთი ფრაზა ამოიღო სამიზნედ, “ილია მეორეს ეპოქა დასრულდა”.
“შეიძლება ადამიანი არ დაემორჩილოს ღმერთის ნებას და ის გააკეთოს რაც მას სურს და მიაჩნია სწორად. თავისი თავისუფალი არჩევანი გამოიყენოს, მაგრამ მოვა დრო, როცა ღვთის ნება მაინც აღსრულდება და იმ ადამიანს თუ საზოგადოებას მოუწევს სინანული ამისთვის, თუ არა სასჯელის ატანა”- თქვა მეუფე საბამ ამბიონიდან.
ხონისა და სამტრედიის მიტროპოლიტის ქადაგების ეს ნაწილიც სინოდის წევრებზე ზეწოლად უკვე შეაფასდა ეპისკოპოსების ნაწილის მიერ – სამმა მათგანმა ერთმანეთის მიყოლებით გაავრცელა განცხადებები.
რატომ დასჭირდა მეუფე საბას ამბიონიდან წმინდა სინოდის წევრების კრიტიკა? – თეოლოგებს ერთადერთი ახსნა აქვთ, მეუფე შიოს პატრიარქობისთვუს ხმების საკმარისი რაოდენობა არ უგროვდება.