“უახლოეს დღეებში ანაკლიის პორტის უშუალოდ სამშენებლო სამუშაოები დაიწყება” – მარიამ ქვრივიშვილი

მარიამ ქვრივიშვილის თქმით, უახლოეს დღეებში, ანაკლიის პორტში სამუშაოები განახლდება და უშუალოდ სამშენებლო პროცესი დაიწყება.

“გასული თვეების განმავლობაში, სამშენებლო-სამობილიზაციო სამუშაოები დავასრულეთ […] უახლოესი რამდენიმე დღის განმავლობაში, უშუალოდ ანაკლიის ტერიტორიაზე, აქტიური სამშენებლო სამუშაოები დაიწყება”. – თქვა ქვრივიშვილმა.

დღესვე ირაკლი კობახიძემ თქვა, რომ 52 მილიონი დოლარით ანაკლიის პორტის პროექტის ღირებულების ოპტიმიზაცია მოხდა.

“ხარჯების ოპტიმიზაციის მიზნით, ჩვენ ანაკლიის ღრმაწყლოვანი ნავსადგურის დაღრმავებასთან და ტალღამტეხის მოწყობასთან დაკავშირებულ ხელშეკრულებას გადავხედეთ, რომლის პირვანდელი ღირებულება 203.9 მილიონი დოლარი იყო. ასევე, გადავხედეთ ხელშეკრულებას ზედამხედველ კომპანიასთანაც. შედეგად, პროექტის ღირებულება 25%-ზე მეტით, 52.5 მილიონი დოლარით შემცირდა. შედეგად, უახლოეს დღეებში, ანაკლიაში სამშენებლო პროცესი აქტიურად განახლდება”. – განაცხადა კობახიძემ.