რომ მითხრან,”მოკვდები და გაჩერდი, თორემ არ გაპატიებთო”, მზად ვარ სიკვდილისთვის, – ამის შესახებ სინდისის პატიმრის, ზვიად ცეცხლაძის დედა საუბრობს.
ნარგიზი დავითაძე ამბობს, რომ სურს, 9 აპრილის მემორიალთან ირაკლი კობახიძე მივიდეს, რადგან მასთან ბევრი კითხვა აქვს, როლებზეც პასუხების მიღება სურს.
“რომ მითხრან, რომ “მოკვდები და გაჩერდი, თორემ არ გაპატიებთო”, მე მზად ვარ სიკვდილისთვის. იგივე ბრძოლას ვაპირებ. კობახიძე როგორ უნდა მოვიდეს? ძალიან მინდა, რომ მოვიდეს, პირადად მე ძალიან ბევრი კითხვები მაქვს და თუ იკადრებს, გაბედავს და მოვა, ძალიან მინდა, წუთი თვალებში ჩამხედოს და ჩემს ყველა კითხვას პასუხი გასცეს. რატომ ყიდის ქვეყანას? რატომ უთმობს ჩვენს ქვეყანას რუსებს? რატომ არ სცემს ჩვენს გმირებს პატივს? აი, მათ მშობლებს, ვინც დაიღუპნენ 9 პარილს და როგორ შეიძლება ასეთი რაღაცეები ისაუბრო, რომ “ჩვენ გმირები არ გვჭირდება?”.
ქვეყანა გადააყოლა ბიძინა ივანიშვილს და მისი ძალაუფლებაც აღარ აღმოჩნდა, იმიტომ, რომ კადრებში ჩანს, სულ არ ყოფილა პრემიერი. ყოფილა უკან მდგომი და ყოფილა ბიძინას მონა, – ამბობს ნარგიზი დავითაძე.
„თავისუფლებისთვის ბრძოლა გრძელდება“ — ამ გზავნილით რუსთაველის გამზირზე საპროტესტო შეკრება დღეს, საღამოს 20:00 საათიდან დაიწყება.
აქციის მონაწილეები 9 აპრილის მემორიალთან შეიკრიბებიან, სადაც, როგორც წინა წელს, სინდისის პატიმრების დედები 24 საათის განმავლობაში იმორიგევებენ. მათი თქმით, ისინი მემორიალს დაიცავენ, რათა მისი გვირგვინით შემკობის შესაძლებლობა ივანიშვილის გუნდის წარმომადგენლებს არ მიეცეთ.