ირაკლი კობახიძის განცხადებით, რკინიგზას დაემატება თბილისი – ქუთაისის და თბილისი – ახალციხის მიმართულებები. ამასთან, როგორც კობახიძემ მთავრობის სხდომაზე განაცხადა, აგვისტოში დასრულდება თბილისი-ბათუმის რკინიგზის რეაბილიტაცია.
„რკინიგზას დაემატება თბილისის-ქუთაისის მიმართულება. აგვისტოში დასრულდება თბილისი-ბათუმის რკინიგზის რეაბილიტაცია, რის შედეგადაც გადაადგილების დრო ხუთნახევარი საათიდან შემცირდება 4-საათამდე, 1.5 საათით შევამცირებთ მგზავრობის დროს თბილისიდან ბათუმამდე.
ასევე, აგვისტოში დასრულდება თბილისი-ახალციხის რკინიგზის რეაბილიტაცია, რის შედეგადაც აღდგება აღნიშნული რეისი, რომელიც გაუქმებული იყო 2009 წლიდან და გადაადგილების დრო, ძველ დროსთან შედარებით, 6 საათიდან შემცირდება 3-საათამდე, ანუ განახევრდება მგზავრობის დრო თბილისი-ახალციხის მიმართულებაზე”, – განაცხადა კობახიძემ.