“ქართული ოცნების” პრემიერი ჰგავდა გრუმერთან წასაყვან ჩაუ ჩაუს, რომელიც სტუმარმა საჩუქრად ჩამოუყვანა ივანიშვილს – ასე აფასებს გია ჯაფარიძე “ქართული ოცნების” პრესსამსახურის მიერ გავრცელებულ კადრებს, რომელიც ბიძინა ივანიშვილი ბიზნესცენტრშია გადაღებული და აზერბაიჯანის პრეზიდენტისა და “ქართული ოცნების” დამფუძნებლის შეხვედრას ასახავს.
“ვნახე კადრები. საცოდაობა იყო. ქართული ოცნების პრემიერი ჰგავდა გრუმერთან წასაყვან ჩაუ ჩაუს, რომელიც სტუმარმა საჩუქრად ჩამოუყვანა ივანიშვილს. საპასუხოდ ივანიშვილმა პირადი ზოოპარკი დაათვალიერებინა სტუმარს. ცალ ფეხზე კი არა, ცალი ფეხის თითზე იდგნენ. თან ბზრიალებდნენ, თუ ეტყოდნენ სტუმრები” – წერს გია ჯაფარიძე სოციალურ ქსელში.
ბიძინა ივანიშვილი აზერბაიჯანის პრეზიდენტს, ილჰამ ალიევს თბილისში, ბიზნესცენტრში შეხვდა. შეხვედრის ამსახველი კადრებში საუბარი არ ისმის, ის პარტიის პრესსამსახურმა შეხვედრის დასრულების შემდეგ გაავრცელა.
ბიძინა ივანიშვილამდე აზერბაიჯანის პრეზიდენტი, რომელიც 6 აპრილს თბილისში მეუღლესთან, მეჰრიბან ალიევასთან ერთად ჩამოვიდა, შეხვდა ირაკლი კობახიძესა და მიხეილ ყაველაშვილს.