რუსთავის მერია წინასააღდგომოდ სასაფლაოების დასუფთავების მასშტაბურ სამუშაოებს ატარებს.
დღეს დილიდან ტერიტორიაზე მობილიზებული იყო “რუსთავ სერვისცენტრის” დასუფთავების და გამწვანების სამსახურების 400 თანამშრომელი, ადგილზე მუშაობს სპეციალური ტექნიკაც.
აღდგომის დღეებში, განსხვავებული გრაფიკით იმუშავებს რუსთავის მუნიციპალური ტრანსპორტის სამსახურიც.
12 და 13 აპრილს, ქალაქის სასაფლაოს მიმართულებით, მუნიციპალური ავტობუსები მგზავრებს 4 სხვადასხვა ლოკაციიდან: მეტალურგიული ქარხნის მიმდებარე ტერიტორიიდან, რჩეულიშვილის ქუჩიდან, თამარ მეფის მოედნიდან და მე-12 მიკრორაიონიდან, უფასოდ გადაიყვანენ.